لأول مرة على تى تى "تقريري للبيبي ليس st87 شرح فيديووو "

لأول مرة على تى تى "تقريري للبيبي ليس st87 شرح فيديووو "
اولا ازيكم يا قمرااااات

ثانيا بعتذر عن التأخير في تنزيل التقرير عن البيبي ليس الجديدة بتاعتى لانى كنت مشغولة جداااا والله وكنت مستنية افضى شوية علشان انزلكو حاجة مميزة شوية
اولا: دى صورتها



علشان كده صورتلكو المكواة كأنها في ايدك بالظبط علشان تعرفي شكلها ايه و حجمها قد ايه وطريقة تشغيلها ومكونات العلبة الخ الخ الخ





ده الفيديو اتفرجو عليه وهفسرلكو اللى حصل فيه ده هههههههههههه

الفيديو طبعا من تصوريري الخاص انا واختى حبيبتى واعذرونا بقي لو التصوير مش قد كده " باقيلنا شوية على مرحلة الاحتراف ههههههههههههه "

كان نفسي اصورلكو جزء من شعرى علشان تشوفو الفرق قبل وبعد وقد ايه هى جميلة فعلاااااا بس " استحرمت اصور شعرى اوى والله "



اول حاجة البيبي ليس دى اسمها st87 وتعتبر من افضل انواع البيبي ليس لان فيها خاصية الايونات ionic -وانا مركزالكو في الفيديو ع الكلمة ده في العلبة الخارجية - والايونات دى خاصية بتحمى الشعر من السخونة وتديله لمعة ومظهر طبيعي ,,, ده بالاضافة طبعا لانها اكييييد سيراميك

تانى حاجة العلبة بييجى فيها المكواة , الستاند اللى بتسندى عليه المكواة وهى سخنة - اللى لونه اسود ده- , الكتالوجات - الضمان "اللى لونه اخضر ده وفتحتهولكو تتفرجو عليه "


تالت حاجة هى ضمانها من بي تك لمدة سنتين من تاريخ الفاتورة معنى كده انك لازم تحتفظى بالفاتورة طبعا ,,, وسعرها حاليا 360ج


رابع حاجة بقي طريقة تشغيلها سهلة جدااا وصليها بالكهربا ودوسي على شكل القفل ده علشان تفتحيها ,, وعلى زرار الباور - التشغيل - واختارى درجة الحرارة المناسبة وعيشىىىىى


يفضل طبعا ان شعرك يكون ناشف تمااااامااااااا علشان ما يتحرقش ولا يتقصف ,, وتكونى حاطه عليه شوية صغيرين من "سيروم زيرو فريز ب 40ج" او " بالمرز لكوى الشعر ب 25 وده افضل كتير وهو اللى انا مصوراهولكو ده " وهتلاقوهم في اى صيدلية كبيرة او محل مكياجات وادوات تجميل

وتقسمى شعرك شوية صغيرين بشوية صغيرين كده علشان تديكى افضل نتيجة ,,, وتبدأي بااقل درجة حرارة علشان ما تحرقيش شعرك لو كان خفيف او ما يستحملش



يعنى درجى الحرارة بالراحة كده لحد ما توصلي للدرجة اللى تناسب شعرك " الدرجات من 170 الى 230"

واشتغلى كده ولحد ما تخلصي سرحى شعرك بقي ولو حسيتى انه محتاج نقطة سيروم او حتة بالمرز صغيرة اوى حطيله وسرحيه هتلاقي نتيجة تبهرك بجد ومع الاستمرار ان شاء الله هتلاقي شعرك اتغير



بس نصيحة يا بنات مش معنى الاستمرار انك تعملى كل يوم ,,, لا كفاية اووووى مرتين او تلاتة في الشهر او بالكتير مرة كل اسبوع لو شعرك مجعد زيادة ومحتاجاها دايما



طيب احنا عملنا خلاص وكله قشطة نغسلها بعد قد ايه بقى؟؟؟؟ ممكن تغسليها تانى يوم او بعدها بيومين وهى بتخلى شعرك حلو لمدة 4 ايام مثلا بس انت تقدرى تغسليها من تانى يوم لو حبيتى



مش عارفة اتكلم في ايه تانى بس هسيبلكو الموضوع مفتوح طبعا لأى سؤال وانا تحت أمركو اكيد في اى وقت





بحبكو كلكووووووووووووو